Ер адам бұрынғы сүйіктісін өлтіріп, полицияға өзі хабарласқан
Ауыр жарақат алған әйелді ауруханаға жеткізу мүмкін болмаған.
SMARTNEWS.KZ басылымының хабарлауынша, Санкт-Петербургте ер адам әйелдерге көмек көрсету орталығының маңында бұрынғы сүйіктісіне пышақпен шабуыл жасаған. Ауыр жарақат алған әйел ауруханаға бара жатқан жолда көз жұмды. Бұл туралы 112 Telegram-арнасы хабарлады.
Оқиға бейнебақылау камерасына түсіп қалған. Кадрларда ер адамның әйелді орталықтың жанында күтіп тұрғаны көрінеді. Әйел ғимаратқа кірмек болған сәтте ол пышақ алып, оған шабуыл жасаған. Осыдан кейін күдікті оқиға орнынан қашып кеткен.
Жараланған әйелді медициналық мекемеге жеткізуге әрекет жасалғанымен, дәрігерлерге дейін ол көз жұмған.
Кейін ер адам полицияға өзі хабарласып, бірге тұрған әйелін ұрып-соғып, өлтіргенін айтқан. Күдікті пәтерде ұсталып, полиция бөліміне жеткізілді.
Қазір оқиғаның мән-жайы анықталып жатыр.
Материал авторы
