RUS
Алайда бұл биржа ресейлік брокерлермен жұмыс жүргізбейді, деп хабарлайды smartnews.kz сайты.
Бұл биржада инвесторлар NYSE және NASDAQ биржаларындағы АҚШ листингінде тұрған 1500-ден астам акциялар мен депозитарлық түбіртектерді саудалай алады.
«ITS бөлшек инвесторларға қызмет көрсететін ресейлік брокерлерге де, ресейлік бағалы қағаздарға да қызмет көрсетпейді. Бұл біздің бизнес үлгімізге келмейді, сондықтан да біз ресейлік брокерлермен жұмыс істемейміз», – дейді ITS Басқарма төрағасы Шыңғыс Қанапьянов.
«Астана» халықаралық қаржы орталығының басқарушысы Ренат Бектұров сауда алаңын ашудың тиімділігін түсіндіре отырып, географиялық факторға назар аударды.
«Мәселен, Гонконг нарығы ашылған кезде біз әлі ұйқыда боламыз, сол секілді американдық нарық та түнде ашылады. Сәйкесінше, біздің инвесторлар аталған елдердің нарықтарында сауда жасауы үшін шетелдік брокерлерге қосылуы керек. Ал бұл өз алдына оңай дүние емес. Сондықтан түнде сауда жасаңыз. Бізде енді қолайлы шарттармен сауда жасау мүмкіндігі бар», – деді ол.
ITS сауда-саттық басталғаннан кейінгі бірінші жартыжылдықта платформаға шамамен 15 кәсіби қатысушы қосылады деп күтеді. Бөлшек сауда инвесторлары брокерлер қосылған кезде ғана ITS саудасына қол жеткізе алады.
Бұған дейін Санкт-Петербург пен Freedom Holding Қазақстанда жаңа ITS биржасын құрғаны туралы белгілі болды. Ол бір-екі ай ішінде іске қосылады деп жоспарланған. Соңынан Frank Media басылымы Санкт-Петербург пен Freedom Holding «Астана» халықаралық қаржы орталығының (АХҚО) базасында жаңа биржа құру идеясын талқылап жатқанын хабарлады. Алайда Санкт-Петербург биржасы бұл ақпаратты бірнеше рет жоққа шығарды.