RUS
Технологиялық стартаптарға венчурлық инвестиция құю саласы қызықтыратын Эфиопия өкілдері мен ірі кәсіпкерлер Astana Hub-та болды.
Технопарктың бас директоры Мағжан Мәдиев қонақтарға экскурсия өткізіп, Astana Hub-тың жұмысымен таныстырды. Кездесуге Эфиопияның бұрынғы президенті, Анкарадан келген Эфиопияның Қазақстандағы миссиясы басшысының орынбасары, ҚР-ның Эфиопия Демократиялық Республикасындағы төтенше және өкілетті Елшісі, ҚР-ы Эфиопиядағы Елшілігінің бірінші хатшысы, “Kazakh Invest” ҰК АҚ өкілдері және т.б. қатысты.
"Бұл сапар біз үшін қазақ және эфиоп халықтары бірлігі ғана емес, бизнесі үшін де өте маңызды. Бұл менің мұнда бірінші рет келуім және мен үлкен әсер алдым. Маған жергілікті халық, тағам және сіздің ғажайып қалаңыз ұнайды. Болашақта біз үшін Қазақстанда бизнес жүргізуге мүмкіндік көп болады. Astana Hub әсіресе жас ұрпақ үшін өте маңызды жұмыс атқарып жатыр. Бізде студенттер мен оқушылар көп. Біздің халық саны 120 миллион адам, оның 60% - ы жастар. Сондықтан біз оларды оқытып, олар үшін жақсы жағдай жасауымыз керек. Сіздердің ақпараттық технологиялар экожүйеңіз және peer-to-peer, friend-to-friend оқыту әдістемеңіз өте маңызды және біз сіздерден көп нәрсе үйренеміз деп үміттенеміз", – деді Анкарадан келген Эфиопияның Қазақстандағы миссиясы басшысының орынбасары, Е.П. Елші Мулие Тарекегн Эдлие.
Кездесу қорытындысы бойынша Harambee University СЕО мен қожайыны Бедасса Фейисса Аррасса мырза Alem school бағдарламалау мектебіне және университетпен серіктестікте Эфиопияда осы мектепті ашуға қызығушылық танытты. Astana Hub басшылығы өз кезегінде Эфиопияда акселерация бағдарламаларын іске қосуға көмектесуге дайын екенін білдірді.