RUS
Жексенбі күні Wall Street Journal газетіне берген сұхбатында 92 жастағы қаржыгер ұлының бұған әбден лайық екенін айтты.
Алекс Сорос – Джордж Соростың бес баласының бірі, ол Нью-Йоркте өсіп, Берклидегі Калифорния университетінде тарих ғылымдарының кандидаты дәрежесін алды.
Өткен жылдың желтоқсан айында ол Соростың басты жобасы – «Ашық қоғам» қорын басқарды, сонымен қатар америкалық саяси партияларды қаржыландыру жобаларын үйлестірді.
Енді Алекс Сорос басшылық ететін «Ашық қоғам» қоры бұрынғыдай баспасөз бостандығын қолдау, сот төрелігі жүйесін реформалау, босқындардың құқығын қорғау, либералдық саясаткерлерді қолдау ісін ары қарай жалғастырады. Ол үшін әлемнің 120 елінде жылына бір жарым миллиард долларға жуық қаражат жұмсалады.