RUS
Заңда ЖИ жүйелері еуропалық азаматтар мен тұтынушылар үшін тәуекел дәрежесі бойынша топтарға бөлінеді және әр топ үшін өз шектеулері мен бақылау шаралары енгізілген. Мысалы, адамдардың санасына әсер ету үшін құрылған жүйелер, сондай-ақ нақты уақыт режимінде жұмыс істейтін биометриялық тану жүйелеріне тыйым салынады. ChatGPT тәрізді контент жасайтын жүйелер өз өнімдерін нақты белгілеп, оны тірі адамдардың шығармашылығы ретінде көрсетпеуі керек.
«Еуропарламент депутаттары жасанды интеллект жүйелерінің адамдардың бақылауында болуын, олардың қауіпсіз, ашық, қадағаланатын, пайдаланушыларды кемсітпеуін және қоршаған ортаны қорғауға ықпал етуін қамтамасыз еткісі келеді», – деп түсіндірді Еуропарламенттің баспасөз қызметінен мамыр айында заң жобасын әзірлеу барысында.
13 маусымда өткен пікірталас кезінде Еуропарламент депутаттары бетті тану жүйелері туралы тармақтарға көп көңіл бөлді. Жобада мұндай жүйелерді тек «постфактум» (нақты уақыт режимінде емес), тек қылмыскерлерді, террористерді және жоғалған адамдарды іздеу үшін және тек сот шешімімен қолдануға рұқсат беру ұсынылады. Еуродепутаттарының көпшілігі мұндай шешімге дауыс дауыс берген. Бірақ кейбірі бет-әлпетті тану жүйелеріне мүлдем тыйым салуға шақырады.