Яндекс Карты навигациясы енді қазақ тілінде қолжетімді

Аталған жобаны іске асыруға Яндекс компаниясы, Цифрлық даму министрлігі мен Мәдениет және спорт министрлігі бірлесе отырып, қазақ тіліне аудару жұмысын жүргізген.

Цифрлық даму министрлігінің баспасөз орталығы мәліметінше, қолданбаның картасында көрсетілетін топонимдер, ұйым атаулары, интерфейс қана аударылып қоймай, енді маршрутты хабарлаушы дауыстық навигация да қазақша сөйлейді.

Сондай-ақ, Яндекс Карты қолданбасындағы дауыстық навигацияны қазақша сөйлету үшін iOS жүйесінде "Дауыстар мен ескертулер" - "Аннотация тілі" - "Қазақша" деп өзгертуге болады.
Ал Android жүйесінде бұл баптау қолданбаның өз ішінде іске асады.

Дана Асылбекова