RUS
Арнайы операция төңірегінде оқиға орнынан 23 күдікті ұсталған. Олардың ішінде Жамбыл облысының 29 жастағы тұрғыны қылмысты ұйымдастырғаны белгілі болды.
Күдіктілер құрамында алтын бар кенді заңсыз түрде ашық игеруден алып, оны ұсақтап, жуған. Оқиға орнынан полицейлер грамдық таразы, ұсатқыш станок, құрамында алтын бар 2 тоннадан астам кен мен көлемі 70 грамм алтын тәркілеп алды.
Қылмыстық топ ұсталған жерден арнайы техниканың 7 бірлігі – жүк көліктері, самосвалдар, экскаватор алынды. Сондай-ақ жауынгерлік патрондармен ату үшін қайта жасалған тапанша тәркіленді.
ҚР Ішкі істер министрлігі баспасөз орталығының берген ақпаратына сәйкес, күдіктілердің үстінен ҚР ҚК-нің 295-1-бабы (Археологиялық жұмыстарды заңсыз жүргізу), ҚР ҚК-нің 287-бабы (Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) және ҚР ҚК-нің 288-бабы (Салық салынатын кірісті азайту) бойынша сотқа дейінгі тергеу басталды. Тергеу әрекеттері жүргізіліп жатқандықтан, тергеу нәтижесі бойынша процессуалдық шешім қабылданады және күдіктілерге қатысты өзге ақпараттар жарияланбайды.
Дана Асылбекова