RUS
Бірнеше күн бұрын желіде Түлкібас ауданы Еңбекші ауылындағы лагерьдегі балалардың видеожазбасы тараған болатын. Жағдайы нашар лагерьдің күйін білуге ҚР Бала құқығы жөніндегі уәкіл Динара Зәкиева Түркістан облысындағы лагерлердің хәл-ахуалын білу үшін тексеру жүргізген.
Уәкілдің айтуынша, қазір лагерьде басында келген 600 баладан 190 бала ғана қалған. Олар лагерьдің жағдайы жақсы, тәрбиешілер мен бағдарлама ұнап жатқан айтса да, лагерьдің сапасы сын көтермей тұр.
– Ағымдағы жөндеу жұмыстарының өзі көптен жүргізілмеген сияқты. Қабырғалардың бояуы опырылып түсіп жатыр, бөлмелерде 12 кереуеттен, бәрі ескі. Барлығы тозған күйде. Ас үйде кейбір азық-түлік сақтау нормалары сақталмаған. Дәретханалары далада, қазіргі жағдайы нашар. Оны ғимараттың ішінде салуға да болушы еді. Бассейн мүлдем жұмыс істемейді, әкімшілік оны тазалап жатырмыз деді, дегенмен ол да жөндеуді талап етеді, - деп жазды Динара Зәкиева Facebook парақшасында.
Бұдан бөлек Сайрам ауданындағы лагерьде көңіл көншітеді десек те, балаларға арналған бассейн мен далада орналасқан әжетхана күйі аса мәз емес.
ҚР Бала құқығы жөніндегі уәкіл Динара Зәкиеваның айтуынша, қазір де мемлекеттік органдар Түлкібас ауданындағы лагерьде тексеріс жүргізіп жатса, Сайрам ауданындағы лагерьдің ахуалы әкімдік өкілдеріне жеткізілген.