RUS
Президент Қасым-Жомарт Кемелұлы 17 маусым күні Түркістанда Ұлттық құрылтайдың екінші отырысын өткізіп жатыр. Құрылтайда Президент жиынның қандай мақсатта өтіп жатқаны жөнінде тоқталып кетті.
– Сөз басында бірден атап өтейін, меніңше, Ұлттық құрылтай бұл – арқаны кеңге салып отыратын жиын емес. Сән-салтанатпен өткізетін той да емес. Бабаларымыз маңызды шешім қабылдар кезде немесе елге қатер төнген сын сағатта құрылтай шақырған. Бүгінгі құрылтайдың отырысы еліміздегі қайғылы оқиғадан кейін өтіп жатыр. Абай облысында алапат өрт шығып, азаматтарымыз қаза тапты. Тағы да қайталап айтқым келеді: біз мұндай оқиғадан сабақ алуымыз керек, нақты шешімдер қабылдауымыз қажет», - дейді Президент мырза.
Сонымен қатар Қасым-Жомарт Кемелұлы Ұлттық құрылтайдың бірінші отырысынан бері болған өзгерістерді атамай өтпеді. Конституциядағы әділ өзгерістер мен маңызды реформалардың елімізді 1 жыл бұрынғы қалпынан айтарлықтай өзгерте алғанын мәлімдеді.