RUS
Шараның ашылу салтанаты алдында БАҚ өкілдеріне сұхбат берген Ақпарат және қоғамдық даму вице-министрі Данияр Қадіров форумға волентерлерден бөлек 50-ге жуық шетелдік спикер келгенін айтты.
«Бүгін, ертең екі күн қатарынан өтетін волонтерлер форумында 34 елден 140-тан астам ерікті қатысқалы отыр. 50-ге жуық шетелдік спикер келді. Қазақстанның әр өңірінен іріктеуден өткен еріктілер келіп отыр. Негізінен бүгінгі іс-шарада 400-ден аса қатысушы жиналған.
Мемлекет басшысы Қасым-Жомарт Тоқаев БҰҰ мінберінен Халықаралық влонтерлерді жинау жылын жариялау туралы бастама көтерген. Соған байланысты былтыр Орталық Азия волонтерлер форумы өтті. Биыл, міне, Халықаралық волонтерлер форумы өтіп жатыр», - деді ол.
Вице-министрдің сөзіне қарағанда, форум аясында волонтерлік қозғалыстың халықаралық деңгейдегі түткілді мәселелері талқыланбақ.
«Ең басты мақсат – волонтерлік қозғалыс бағытындағы өңірлік көшбасшы ретінде басқа елдермен тығыз байланыс орнату, ақпарат пен тәжірибе алмасу, волонтерлер алдында халықаралық деңгейде тұрған мәселелерді бірге ортаға салып шешу», - деді Данияр Қадіров.