RUS
БҚО полиция департаменті баспасөз қызметінен түскен мәліметке қарағанда, 1975 жылғы түркиялық азамат 2 жылдан астам уақыт бойы Атырау облысында визасыз тұрып, құрылыс алаңдарында жұмыс істеген.
Республикалық «Заңсыз келуші» жедел-алдын алу іс-шарасы Оралда қолға түскен түркиялық азаматқа қатысты әкімшілік хаттама толтырылып, ел аумағынан шығару туралы соттың шешімі шығарылды.
«Аталмыш іс-шара басталғалы үш күннің ішінде көші-қон заңнамасын бұзған 159 құқық бұзушылық анықталды. Соның ішінде 85 шетелдік республика аумағында болу ережесін бұзған. Ал 63 қазақстандық азамат шетелдіктерді қабылдамағанымен, уақытында полицияға хабарлама түсірмегені үшін әкімшілік жауапкершілікке тартылды. Оған қоса шетелдік жұмыс күшін заңсыз жұмысқа тартқан 11 облыс тұрғыны ҚР Әкімшілік құқық бұзушылық туралы кодексінің 519-бабы 1-бөлігіне сәйкес жауапқа тартылды. Жеке басын куәландыратын құжаттары болмаған 22 шетелдік қабылдап-тарату орталығына орналастырылды. Тіркеу мерзімі өтіп кеткен 9 шетелдік сот шешімімен мәжбүрлі түрде елден шығарылды. Сондай-ақ Орал қаласында мас күйінде екі ресейлік азамат айдап келе жатқан 2 автокөлік тоқтатылды. Оларға да қатысты әкімшілік шара қабылданды», - деп хабарлады ведомстводан.