Эдвард Лукас: "Кеңестік стильде аумақтық негізде ыдырау екіталай"

Британдық сарапшы Эдвард Лукас Times газетінде Путиннің әлсіздігі мен Батыстың Ресей туралы стереотип көзқарасын Пригожиннің аяқталмаған төңкерісі дәлелдеді деп жазды. 
 
- Ресей көшбасшысының күші, оның құзыретті, әрі шешуші адам ретіндегі беделіне тоқталайық. Бұл бедел соңғы кездері “тозғандай” болып көрінеді. Тіпті мемлекеттік БАҚ та Путинге қарсы айтылған кейбір сын ескертпелерді мойындауы да мүмкін, - деп атап өтті сарапшы. 
 
Сарапшының бағамдауынша, ешкім майдандағы Ресейдің жасап жатқандары өздері үшін тиімді жүріп жатыр деп ойламайтынын айтты.
 
Сондай-ақ Пригожиннің демаршы Ресей көшбасшысының имиджін одан әрі бұзып, көптеген сұрақтарды жауапсыз қалдырған. Путин осы сәтті пайдаланып, күшті көшбасшы ретіндегі беделін нығайтудың орнына, қорқақтау көрінгенін, оның елдегі бункерде жасырынғаны туралы қауесет оны қорқақ етіп көрсеткенін айта кетті. 
 
Десе де, қандай жағдай болмасын, Ресейдегі хаостың күшеюі мүмкін. Бұған қатысты:

- Кеңестік стильде аумақтық негізде ыдырау екіталай. Өз активтерін қорғайтын және бәсекелестерді ұрлауға тырысатын кландардың араздығы сияқты көрінеді. Күрес оған қарсы емес, Путиннің өз режимінің ішінде жүріп жатыр. Ал мұның бәрі Украина үшін жақсы жаңалық. Себебі Ресейдің қорғанысы әлсірейді. Ел ішіндегі тәртіпсіздік - майдандағы рухты құртады. Қашу, бүлік пен тұтқынға түсу күшейген сайын ресейлік әскерлер өз сенімін жоғалта бастайды. Осы тұрғыдан алғанда, Ресейде жағдай неғұрлым нашар болса, соғұрлым жақсы, - деп қорытындылады Эдвард Лукас Times газетінде.