RUS
Туристер Қазақстанның шығысындағы курортты аймақтар мен жағажай демалыс орындарына жетеді. Ал ірі туристік агрегатордың мәліметінше, көрсетілген бағыттар бойынша сұраныс 5 есеге жуық өсті. Бұл Үржар және Үшарал әуежайларының ұшу-қону жолақтарын жөндеу аяқталып, жұмыс бұрынғы режимде қайта басталғанымен де байланысты.
Ақтөбе мен Түркістан жазғы маусымда сұраныс өскен бағыттардың ішінде ерекше көзге түскен. Биыл демалушылардың екі қалаға деген қызығушылығы бірден 40%-ға артқан.
«Ішкі туризмді дамыту – шетелдік саяхатшылар санын арттыру сияқты маңызды. Мәдениет және спорт министрлігі ішкі туризмді ынталандыруға арналған түрлі бағдарламалар әзірлеп, іске асырып жатыр», - дейді Мәдениет және спорт министрлігінің баспасөз хатшысы Мөлдір Әбдуалиева.
Еске салсақ, еліміздің топ-5 туристік бағытына Астана, Алматы, Шымкент, Ақтау және Атырау кіреді. Бес шаһар дәстүрлі түрде осы рейтингте көш бастап тұр. Жазғы маусымға қарай, оларға деген қызығушылық орта есеппен 20% - ға өсті.