Ракетопланы бар Eve ұшақ-тасымалдағышы бейсенбі күні жергілікті уақытпен сағат 08:30-да АҚШ-тың Нью-Мексико штатындағы ғарыш айлағынан ұшырылды. Шамамен бір сағаттан кейін 13600 метр биіктікке жеткенде ракетоплан ұшақтан бөлінді, дербес қозғалтқышын қосып, ғарыш шекарасына шықты. Алған максималды биіктігі – 85 км.
Ұшу уақыты бір жарым сағатқа созылды. Бортта Virgin Galactic компаниясының екі ұшқышы мен астронавт нұсқаушысынан басқа, үш италиялық ұшқыш офицер болды. Олар бірқатар ғылыми эксперименттер жүргізіп, кеме ұшудың ең жоғары нүктесіне жеткенде Италия әуе күштерінің 100 жылдық мерейтойына орай мемлекеттік туларын шығарды.
Бұл миссия Galactic 01 деп аталды. Екінші рейс – Galactic 02 тамызға жоспарланған. Оған ұшу билетін алдын ала сатып алған бірнеше жолаушы барады.