IT-Қызметтердің көлемі 946,2 млрд теңгені құрады

2022 жылғы көлем 2021 жылмен салыстырғанда 300 млрд теңгеге артық (645,9 млрд тг). 

IT-қызметтер негізінен заңды тұлғалардың 82,1%, ал 4% жеке тұлғаларға көрсетілсе, 13,9% – резидент емес тұлғаларға көрсетіледі.

Көрсетілген IT қызметтердің түрлері бойынша ең үлкен көлем бағдарламалық қамтамасыз етуді әзірлеу бойынша (257,7 млрд теңге), одан кейін басқа топтамаларға енгізілмеген ақпараттық технологиялар мен ақпараттық жүйелер саласындағы қызметтің басқа да түрлері (201,3 млрд теңге), қосымшаларды орналастыру және осыған байланысты қызметтер (146,5 млрд теңге) алғашқы үштікті түйіндеп отыр.

Өңірлік бөліністе ІТ қызметтердің негізгі үлесі, яғни 88,2% Алматы (478,7 млрд теңге) және Астана (356 млрд теңге) қалаларының компанияларына тиесілі.

Резидент еместерге көрсетілетін ІТ-қызметтер бойынша қызметтің басым бөлігі АҚШ (31,6 млрд теңге), Швейцария (26 млрд теңге) және Ұлыбританияға (12 млрд теңге) көрсетілген.

ҚР Статистика бюросының мәліметінше, деректер ІТ-қызмет ұсынатын заңды тұлғалар арасында жаппай зерттеу және дара кәсіпкерлер арасында іріктеме зерттеу негізінде жиналған ақпаратты қамтиды.