Рэптің 50 жылдығына Google компаниясы эксклюзив смартфон жасап шығарды

Ең ыңғайлы жиналмалы смартфон атағына үміткер тізіміне Google өз атын қосып жатыр десек те болады. Технологиялық алпауыт компания Pixel Fold смартфоны арқылы осы уақытқа дейін жиналмалы флагман жасаудан шеберге айналған танымал бренд Samsung-пен бәсекені арттырды десек те болады.

Google бұған дейін өзінің алғашқы Pixel Fold моделінің өзге смартфондармен салыстырғанда, сапа стандарттарына сәйкес келмегенін ашық мойындаған болатын. Бүгінгі күні Google жиналмалы смартфонды сапалы жинақтап, әлем нарығында өхге брендтермен бәсекелесіп қана қоймайды, сонымен қатар технология мен мәдениет арасындағы алшақтықты жойып келеді.

Pixel Fold Hip Hop 50 нұсқасының іске қосылуы Google-дің жиналмалы құрылғылар нарығына енуіндегі ең маңызды сәт десек те болады. Бұл жаңа қадам технологиялық алпауыттың хип-хоп мәдениетіне деген құрметін көрсетеді. Биыл хип-хоптың пайда болғанына, өнер әлеміне енгеніне 50 жыл. Осы орайда рэптің мерейтойын алғаш боп тойлатып, тосын сый жасағандардың бірі де, бірегейі – Google компаниясы ұсынған Pixel Fold Hip Hop 50 смартфоны боп отыр.

Бір өкініштісі, смартфон эксклюзив нұсқа болғандықтан, көпшілікке сатылымға шықпайды.