«Алдыңғы үш түндегідей түнгі сағат 1:30-да қалалық мэрияда болғанымда, менің үйімді көлікпен соғып, содан кейін оны өртеу әрекеті жасалды. Осы кезде үйде жұбайым мен екі кішкентай балам болды, олар ұйықтап жатқан. Жұбайым мен балаларымның бірі шабуылдаушылардан қорғануға тырысқанда жарақат алды», - делінген мэр мәлімдемесінде.
В.Жанбрун полицияға және құтқару қызметтеріне көмектескені үшін алғыс айтты.
Еске салайық, Францияда Алжир тумасы 17 жастағы Нахель Мерзукті полиция өлтіргеннен кейін наразылық толқыны басылмай тұр. Апта басында Н.Мерзукті Нантера қаласында полиция қызметкері атып өлтірді. Ол сенбі күні Нантера мешітінде жерленді.
Жас жігіттің өлімі Францияның маргиналды қауымдастықтарындағы полиция жұмысы туралы пікірталасты қайта жандандырып, нәсілдік қатынас кісі өлтіру факторына айналды ма деген сұрақтар туғызды.
Жұма, 30 маусымда жас жігіттің анасы Муния «France 5» телеарнасына берген сұхбатында ұлының өліміне оны атып өлтірген офицерді ғана кінәлайтынын айтты. Алайда, бұл өлім бүкіл елде ауқымды тәртіпсіздіктер тудырды.
Елдің ішкі істер министрлігінің алдын ала есептеуі бойынша, Францияда 700-ден астам адам ұсталды.