RUS
Музыкалық аллеяның бір ерекшелігі – белгілі күйшілер мен қазақ композиторларына арналған орындықтар орнатылған. Орындықтарға отырған мезетте, тіпті жақындағанда музыкалық автомат әйгілі күйлердің бірін үзіндісін орындап береді.
«Күй аллеясы» академик Е. А. Бөкетов атындағы Қарағанды университетінің студенттері мен қызметкерлерінің ұжымдасуымен жасалған.
Университеттің ақпараттық технологиялар және телекоммуникация орталығының жетекшісі Владислав Карабасов жобаның жасалуына қатысты пікір білдірді.
«Мұнда әмбебап микроконтроллер ойнату құрылғылары бар 17 орындық орнатылған. Адам орындыққа бір жарым метр қашықтықта жақындағанда, сенсор іске қосылып, музыка ойнай бастайды. Жобаны физика-техникалық факультетінің студенттері орындады. Біздің жоспарымыз 8-ші корпустың жанында өлеңдер аллеясын құру. Онда орындықтар орнатылды, электр қуаты жеткізілді, тек электроника мәселесі қалды», - дейді орталық жетекшісі.
Орындықтар Кетбұға, Тәттімбет Қазанғапұлы, Құрманғазы Сағырбайұлы, Тоқа Шоңманұлы, Ықылас Дүкенұлы, Дайрабай Ерназарұлы, Ахметжан Сармантайұлы, Нұрғиса Тілендиев және басқалардың есімдері және шығармашылығымен байланысты.
Орындықтарда университеттің веб-сайтына апаратын QR орналасқан. Онда сіз белгілі бір музыкалық орындыққа арналған күйші немесе композитор туралы ақпарат ала аласыз.
Жобаны әзірлеушілердің бірі – физика-техникалық факультетінің 3 курс студенті Азамат Әбікенов орындықтардың төзімі мықты деп уәде беріп отыр.
«Орындықтар жыл бойы жұмыс істей алады, олар жауын-шашынға және төмен температураға төзімді деп айтуға болады», - деп атап өтті.