RUS
Жаз басталғалы екі дөңгелекті көліктер жиі жоғалып жүр. Шағым түсірушілердің көптігіне байланысты, тәртіп сақшылары қала тұрғындарына Астанада велосипед ұрлығының жиілеп кеткендігі туралы ескертіп, қажетті қауіпсіздік шараларын сақтауды ұсынып жатыр.
Жақында Байқоңыр аудандық ПБ полицейлері елорданың 30 жастағы тұрғынын қолға түсіріп, оның велосипед ұрлығының үш дерегіне қатысы бар екендігін анықтаған. Бір ұрлығында ол күндізгі уақытта тұрғын үйлердің ауласында бола тұра, көпқабатты үйдің 1-қабатында тұрған құны 80 мың теңгелік IKS-ZET маркалы велосипедті қолды еткен.
Полиция қызметкерлеріне кіреберістегі бейнежазба шабуылдаушы белгілеп берген. Ұсталған соң күдікті ер адам өз кінәсін мойындаған. Оған қатысты ҚР ҚК-нің 188-бабы (Ұрлық) бойынша сотқа дейінгі тергеу жүргізіліп жатыр. Тергеу барысында оның тағы 2 қылмысқа қатысы бар екендігі де дәлелденген. Велосипедтер тәркіленіп, иелеріне қайтарылған.
Сондай-ақ ведомство өкілдері велосипед жақтауларындағы белгілерін міндетті түрде енгізіп, оны кіреберістерде, дүкендердің жанында және қала саябақтарында қараусыз қалдырмай, сенімді велосипед құлыптарын пайдалануға шақырды.