RUS
Жұмысты жүргізу барысында спорттық-сауықтыру іс-шараларының, нысандардың, құрама командалардың, бұқаралық спорттық іс-шаралардың, федерациялардың рейтингі мен қауіптері көрсетілген тізбе қарастырылған. Кейіннен саланы қаржыландырудың жолдары мен көлемі, оның ішінде демеушілік көмек көлемін анықтау бағытында жұмыстар жүргізілген.
ҚМА анықтауынша, 2023 жылдың I тоқсанында, яғни қаңтар-маусым айларының өзінде ғана Агенттік жалпы сомасы 269,3 млн теңге залалы бар деп анықталған 21 іс тергеген. Тіпті тергеу ісі жалғасып та жатыр.
Еске сала кетсек, ашық ақпарат көздерінен алынған мәліметтерге сәйкес, 2019-2023 жылдар аралығында спортты дамытуға шамамен 300 млрд теңге бөлінген. Ақшаның еш кедергісіз игерілуі үшін Агенттік тауарлар мен қызметтерді жоғарылатылған бағамен сатып алыну, қызметтің нақты көрсетілмеуі мен өзге де заң бұзушы іс-әрекеттер бойынша талдау жүргізетін болады.
"Жүргізілген жұмыстардың нәтижесінде спортты дамытуға бөлінген бюджет қаражатының ұрлануына жағдай туғызатын себептерді анықтау және мұндай заң бұзушылықтардың алдын алатын тетіктерді жетілдіру бойынша ұсыныстар әзірлеу жоспарлануда", - дейді ҚМА Ресми өкілі Әлібек Әбділов.