RUS
Бағаның қымбаттауы қоғамдық көлікте белгіленген және нақты жол жүру құны арасындағы айырмашылықты субсидиялайтын бюджетке түсетін жүктемені азайту қажеттілігімен байланысты.
Жаңа тарифтер төмендегідей:
Көлік картасы немесе жол жүруге арналған мобильді қосымша арқылы төлеу – 100 теңге (қазір 80 тг);
Қолма-қол төлем 150-ден 200 теңгеге көтеріледі.
Қала әкімдігі қаулысының жобасында қоғамдық көлікті субсидиялау жергілікті бюджетке үлкен әсер ететіні көрсетілген. Егер баға сол күйінде қалдырса, субсидия мөлшері өседі. Сондықтан жол ақысын өсіру мемлекет бөлетін қаржы көлемін қысқартады деп жоспарланып отыр.
"Ағымдағы жылы тарифтерді есептеу әдістемесіне сәйкес тарифтің орташа құны 425 теңгені құрайды. Осыған байланысты 2023 жылы тарифтің құнын қайта қарау және оны қолма – қол ақшасыз төлеу кезінде 100 теңге және қолма-қол төлеу кезінде 200 теңге мөлшерінде белгілеу қажеттігі туындайды. Мұндай жағдайда субсидиялаудың болжамды көлемі 2023 жылы 10 млрд теңгеге қысқарады", - деп хабарлады Алматы қаласының қалалық мобилділік басқармасы.
Сондай-ақ жоба 21 шілдеге дейін талқылаудан өтпек.