RUS
«Яндекс жеткізу» баспасөз қызметі курьерлерге арналған ынталандыру бағдарламаларының бірінде шарттарды техникалық жаңарту жүргізілгенін хабарлады.
Сонымен қатар жеткізу қызметімен айналысатын жұмысшыларға барлық бонусты бірнеше күннің ішінде аудармақ, сомасы қосымшада көрініп тұрады.
«Бізде серіктестер мен курьерлерге арналған ынталандыру бағдарламасы бар. Өткен аптада бағдарламалардың бірінің шартын техникалық жаңарту жүргізілді. Бонустар таяу бірнеше күннің ішінде аударыатын болады. Сомасы курьерлердің қосымшасында көрініп тұрады. Сұрақтар туындаған жағдайда бірден қолдау көрсету қызметіне жүгінуге кеңес береміз», - деп атап өтеді компаниядан.
Таратылған ақпаратта соңғы жарты жылда Астанадағы Яндкс сервисімен жұмыс істейтін курьерлердің 1 сағатта табатын орташа табысы төмендемегені айтылады.
Бүгінде ол мототариф - 1 700, ал автомобильмен тасымалдаушылар үшін - 1 900 теңге.
Естеріңізге сала кетсек, бұған дейін «Яндекс» курьерлері наразылыққа шыққаны туралы ақпарат тараған болатын.
Олар қолданыстағы еңбек шарттарына көңілі толмайтынын білдірген еді.