2023 жылғы қаңтар-маусымда бөлшек сауда көлемі 7 759,5 млрд. теңгені құраған. Бұл былтырғы жылмен салыстырғанда 8,8% өскен.
Саудамен айналысатын кәсіпорындардың тауарларды бөлшек саудада өткізу көлемі 5 632,9 млрд теңгені құраған. Ал бұл 2022 жылға қарағанда 11,9% жоғары көрсеткіш.
Азық-түлік бөлшек сауданың жалпы көлеміндегі үлесі 29,3% құраса, азық-түлікке жатпайтын тауарлардікі – 70,7%.
Сауда көлемінің ең көп өсімі азық-түлікке жатпайтын тауарлар бойынша байқалған. Оған мотор отыны, автомобиль, киім, компьютерлер, перифериялық жабдықтар мен бағдарламалық қамтамасыз ету кіреді.
Одан бөлек тамақ өнімдері, сусындар мен темекі өнімдері, аяқкиім, косметика тауарлары және жеке заттар, тұрмыстық электр құралдары, жиһаз, сағат пен зергерлік бұйымдар сататын кәсіпорындар санаты кіреді.