RUS
Айтуынша, қоғамдық көлік жүргізушілері рульде отырып телефонмен сөйлеседі, балағаттайды, темекі шегеді.
«Автобус жүргізушілері өздерін дөрекі ұстайды, біздің өмірімізге қауіп төндіреді. қашан бұларда тәртіп болады?»,- деп сұрады Бостандық ауданының тұрғыны.
Мегаполис әкімі бұл мәселенің екі жағы бар екенін айтты.
«Бірінші, қызмет көрсету сапасына байланысты. Қалада бір ғана мемлекеттік оператор – «Алматыэлектротранс» және 24 жеке оператор бар. Бізде жеке операторларға қатысты шағымдар жетерлік. Мемлекет басшысы Алматыға келген соң индустрия министрлігіне, көлік комитетіне тасымалдау жөніндегі қолданыстағы шарттарды қайта қарауды тапсырды, демек жауапкершілік артады деген сөз. Жауапкершілік барлығына қатысты, жүргізушілерге де, автобустың жағдайына да. Күзде ережелер өзгереді деп үміттенеміз және олардан барлық қажетті мәселелерді ресми түрде талап ете аламыз. Яғни, біз жекеменшіктерді де, мемлекеттік операторларды да халыққа қызмет көрсетудің бірыңғай деңгейіне жеткізгіміз келеді»,- деді Ерболат Досаев.
Оның айтуынша, тағы бір мәселе – жүргізушілер тапшылығы мен оларға тиісті жағдайдың жасалмауы.
«Екінші жағы. Бізде бұрылатын, демалатын пункттер жоқ. Биыл 10-пункт, ал келесі жылы тағы 10 пункт ашамыз. Демек, жүргізушілерге маршрут аяқталғаннан кейін демалуға мүмкіндік туады. Жүргізушілердің тапшылығына қатысты мәселе де өзекті. Біз олардың жеткілікті санын қамти алмаймыз, үміткерлерге тиісті біліктілікті алу қиын. Тағы бір себеп жатақханалардың болмауы, себебі жүргізушілердің 80 пайызы Алматыда тұрмайды. Сондықтан біз жүргізушілердің сапалы қызмет көрсетуін талап ету үшін оларға да жағдай жасағымыз келеді»,- деп түсіндірді мегаполис басшысы.
Ерболат Досаевтың сөзінше, барлық қолда бар факті бойынша әкімдік, қалалық мобильділік басқармасы қажетті шараларды қабылдауға дайын.
«Жолаушының шағымы бойынша айыппұлдар мәселені өзгертпейді. Сіз дұрыс байқағансыз, жүргізушінің жұмысы өте жауапты. Автобуста жолаушылар көп болған кезде жүргізушілердің еңбек жағдайлары мен жалақылары да соған лайық болуы тиіс»,- деп түсіндірді қала әкімі.