RUS
Ресей президенті Владимир Путин "Вагнер" әскерімен кездесуінде оларға бірнеше жол ұсынған. Бұл жөнінже ол "Коммерсантъ" газетіне айтты.
"Олардың бәрі бір жерге жиналып, қызметін жалғастыра алар еді. Еш нәрсе өзгермес еді. Оларды осы уақытқа дейін нағыз командирі болған адам басқарар еді. Осы айтқанымда көбі басын изеді, ал алдыңғы жақта отырып мұны көрмеген Пригожин: "Жоқ, жігіттер мұндай шешіммен келіспейді", – деді Владимир Путин.
29 маусымдағы келіссөз үш сағатқа созылды, оған жеке әскери компанияның 35 қызметкері қатысты. Путиннің айтуынша, вагнерліктермен кездесуде ол одан әрі қызмет көрсету нұсқаларын ұсынумен қатар, "бір жағынан олардың ұрыс даласында атқарған істеріне, екінші жағынан 24 маусым оқиғасы кезіндегі әрекетіне баға берді".
"Вагнер" жалдамалы әскері жауынгерлік бөлімше болып қала ма деген сұраққа Путин "топ бар, бірақ заң жүзінде тіркелмеген" деп жауап беріп, Ресейде жеке әскери ұйымдардың қызметін реттейтін заң жоқ екенін еске салды. Ресей Федерациясының президенті бұл "мемлекеттік Думада және үкіметте талқылануға тиіс бөлек мәселе" екенін атап өтті.