Алматыда жаңа автобус пен троллейбустар үшін бюджеттен 46,5 млрд теңге жұмсалған

Мемлекеттік сатып алу сайтында жарияланған мәліметтерге сәйкес, Алматы қалалық мобилділік басқармасы 400 автобус сатып алуға үш конкурс жариялаған. 

Олар:
— Сыйымдылығы кемінде 54 орындық 68,2 млн теңге тұратын 30 автобус;
— Сыйымдылығы 80 орыннан кем емес 88,2 млн теңгеден 170 автобус;
— Сыйымдылығы 90 орыннан кем емес 84 млн теңгеден 200 автобус.

Ал Алматы қаласының мемлекеттік активтер басқармасы сыйымдылығы 90 орыннан аспайтын 127,9 млн теңгеден 100 троллейбус сатып алған.

Алматыда троллейбус пен автобусты қамтамасыз ету үшін "Qaztehna" ЖШС және "Hyundai Trans Auto" ЖШС жеңімпаз деп танылған. Екі компания да қалаға 200 автобус жеткізеді. Ал 100 троллейбусты "Qaztehna" ЖШС жеткізеді. 

Айта кететін жайт, конкурсты жеңген екі компанияның иелері Сергей Кан ("Qaztehna" ЖШС) мен Нұрлан Смағұлов ("Hyundai Trans Auto" ЖШС) Алматы әкімі Ерболат Досаевтың жақын достары деген сыбыс бар.