"Мен сол театрда әлі ән айтқан емеспін": Қайрат Нұртас еліміздегі танымал театр өкілінің анасына ауыр сөз айтқанын мәлімдеді

"Жақында маған бір інім келді. "Аға, сізбен дуэт айтқанша мен қаншама өнер адамдарына бардым", - дейді. "Менің көзімше мені мақтама", - дедім. Мені мақтаса, қасында ыңғайсызданамын.

Біреуі былай қашты, біреуі былай қашты. Менсінбеді. Сол кезде анам шырылдап, мені әр жаққа алып барып, кештеріне қатыстырғысы келіп, театрларға қатыстырғысы келіп, билеттерін сататын. Ол кезде мама екеуміз Тастақта кеңсе тауарларын сатамыз. Мен шаурма сатамын. Билеттерін өткізіп, бір концертке қатысайық дегенбіз. Менің анама бір кісі қатты ауыр сөздер айтты.

Бұл сәт менің есімде қалып кетті. Ұрайын десем, әлім келмейді. Кішкентаймын. Бірақ сол қайта келді алдыма. Сол театр маған он рет қоңырау шалды. "Біздің театрға қатысып берші, біздің кешімізге қатысып берді", - деді. Мен не дедім? Үндемедім. Жай ғана бармайтынымды айттым.

Мен сол театрда әлі ән айтқан емеспін. Егер өздеріңіз көрсеңіздер, түсінесіздер", - деді Қайрат Нұртас.