RUS
«Қарасора» жедел операциясы шеңберінде, күдіктіні Қостанай облысы ПД есірткі қылмысына қарсы күрес басқармасының қызметкерлері Тобыл қаласында ұстаған.
Сондай-ақ Қостанай облысы ПД есірткі қылмысына қарсы іс-қимыл басқармасының бастығы Нұржан Ахметов облыстың 31 жастағы тұрғынын ұстау жөніндегі операцияның мән-жайын айтты.
— Жедел-іздестіру іс-шараларын жүргізу барысында Тобыл қаласында полиция қызметкерлері тінту кезінде 3 келіден астам синтетикалық есірткі тәркілеген күдіктіні ұстады. Бұдан басқа, 2 мыңнан астам оралған синтетика тәркіленді, бұл аса ірі көлемді құрайды, - дейді ведомство өкілі.
Қостанай облысында "Қарасора - 2023" жедел алдын-алу шарасы өткізіле бастағаннан бері 10 келіден астам түрлі есірткі құралдары тәркіленді. Мұндай партияның құны 100 млн. теңгеден асады. Жүргізілген сараптамаға сәйкес алынған зат - "мефедрон" синтетикалық препараты.
Қазіргі уақытта аталған факті бойынша сотқа дейінгі тергеу басталды. Күдікті қамауға алынған.