RUS
Балаларға арналған тегін лагерьде алматылық оқушылардың ата-аналары наразы болды. Олар тегін деген лагерьдің арнайы демалыс базасында емес, ересектерге арналған саунада өтіп жатқанына ашуланды. Бұл жағдайға қатысты видеолар желіде тарады.
Желі пайдаланушысы Инка Рокеровна лагерьді ұйымдастырушылар демалыс базасының орнына балаларды саунаға апарғанын, ал онда бөгде ересек адамдар демалып жүргенін мәлімдейтін видео жариялады. Сонымен қатар түнде мектеп оқушылары желдетілмеген бөлменің еденінде немесе екі қабатты кереуеттерге жатқызылғанын айтты.
Бұл жағдайға қатысты Алматы қаласының білім басқармасы ата-аналардың шағымынан соң тексеріспен лагерьге жедел барғанын, ал балаларды басқа демалыс аймақтарына жіберілетінін хабарлады.