RUS
Ауқымды шара «QAZAQSTAN» Жеңіл атлетикалық спорт кешені мен «Алау» Мұз Сарайында өтеді. University Medical Center Корпоративтік қоры мен "ФЕНИКС" Қайырымдылық қоры бірлесе ұйымдастырған II Республикалық Чемпиондар ойындарына - чемпион балалар қатысады.
UMC Ана мен бала орталығында «чемпион балалар» деп онкогематологиялық аурулардан ремиссияға шыққан және ағза трансплантациясы жасалғанына бір жылдан аса уақыт өткен пациенттерді атайды.
Чемпиондар ойындарының көздеген басты мақсаты – ауыр дертке шылдыққан балалар мен олардың ата-аналары, дәрігерлері мен барлық медициналық қызметкерлерді жігерлендіруге бағытталған.
Жарыстар келесі спорт түрлері бойынша өткізіледі: «Асық ату», «Тоғызқұмалақ» ұлттық ойындары, жеңіл атлетика (60м жүгіру), үстел теннисі, ату (пневматикалық винтовка, 10м.), мини-футбол, шахмат (швейцарлық жүйе бойынша), боулинг, бадминтон, жүзу.
Әділқазылар алқасында Қазақстан Республикасының еңбек сіңірген жаттықтырушылары мен спорстмендері төрелік етеді.
Сондай-ақ чемпион балалардың ойындарына құрметті қонақтар болып ҚР Денсаулық сақтаудың вице-министрі Вячеслав Дудник, ҚР көлік пен жолдарды дамыту басқармасының өкілі Ержан Диханбаев, «Қазақстандық спортшылар одағы» АҚҰ төрағасы Азамат Қарлығашев, «Қазақстандық спортшылар одағы» АҚҰ төрағасының орынбасары Дамир Сатыбаев, «Барыс» ХК хоккеисті Алихан Асетов, көркем гимнастика бойынша ҚР халықаралық санаттағы спорт шебері Анна Алябьева, сондай-ақ радиожүргізуші және дубляж актрисасы Майра Толепберген қатысады. Ал іс-шара жүргізушісі, әрі амбассадоры - Қазақстан Республикасының театр және кино актері Асқар Ильясов.