RUS
«Қазіргі уақытта елдік 10 жобаның бюджеті 1 млрд 800 млн теңгені құрады. Бұл мәлімделген 3 млрд теңге қайырымдылық бюджетінің 60 пайызына жуықтайды. Қор кәсіпорындары бар өңірлерде жалпы сомасы 1 млрд 400 млн теңгеге 11 жоба мақұлданды. Бұған қоса, мемлекет басшысының тапсырмасына сәйкес, өткен жылы құрылған 3 облыста 1 млрд 200 млн теңгеге 6 жоба арқылы қайырымдылық іс-шараларын көрсеттік», - деді ол елордада өткен брифинг барысында.
Сонымен қатар ол осы жылдың 6 айында қор тарапынан жүзеге асырылған жобаларға тоқталды.
«Soyle.kz және resmihat.kz порталдарының жұмысы арқылы мемлекеттік тілді қолдану аясын кеңейтуге жәрдемдесу және насихатта жүргізіліп, азақ тілін үйрену бойынша мобильді қосымшалар мен YouTube арналары іске қосылды. Жаңаөзен жастарын қолдау мақсатында биыл 170-ден астам жоғары сынып оқушысы «Жарқын болашақ» жобасы аясында еліміздің 9 аймағындағы 40-қа жуық техникалық және кәсіптік мекемелер мен мектеп-интернаттарында оқуға стипендиямен және гранттармен қамтамасыз етілді. Сонымен қатар жаңаөзендік 50 баланы Бурабайдағы IQanat мектебіне 10-11 сыныптарда сапалы білім алуына қор бюджетінен 55 млн теңге бөлінсе, ауылдық жерлерден осы үздік мектепте оқуға талпынған 800 жеткіншектің іріктеу науқанына қатысуына 49 млн 600 мың теңге қарастырылды. Былтырғы қайырымдылық қаражатқа Маңғыстау, Жамбыл облыстарының тұрғындарына 26 жаңа әмбебап балалардың спорт алаңын сыйладық. Оған 1,5 млрд теңгеге жуық қаржы жұмсалды», - деді Қор басшысы.
Альфия Адиеваның айтуынша, биыл алғаш рет қордың қолдауының арқасында Алматы облысында тірек-қимыл аппараты бұзылған 200 балаға арналған спорт лагері ұйымдастырылды. 2021 жылдан бері еліміздің әр өңірінде балаларға арналған оңалту орталықтары ашылып жатыр. Биыл мұндай 21 орталық ашылмақ. Бүгінде олардың 8 ашылып, мемлекет меншігіне берілді. Педиатрия және балалар хирургиясы ғылыми орталығының онкология бөліміне құны 228 млн теңге болатын қан құрамын өңдеуге қажетті қондырғы сатып алынды. Сонымен қатар «Саламатты Қазақстан» медициналық пойызы еліміздің шалғай аудандарылндағы 121 елді мекендеріне жол жартты. Пойыз үш айда 27 мың отандасымызға сапалы медициналық көмек көрсетті.