RUS
Қордай ауданының прокуратурасы «Қордай ауданы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімі» КММ-нің экс-басшысының 6,5 миллион теңге ұрлағанын анықтаған.
Белгілі болғандай, Сарыбастау ауылында тұрғын үй-коммуналдық шаруашылық бөлімінің бұрынғы басшысы «М», «Қордай су» МКК директоры «К» және кәсіпкер «Е» құжаттар бойынша құны 12,3 миллион теңгені құрайтын су мұнарасын салуы тиіс болған. Алайда нысанды егжей-тегжейлі талдау және визуалды қарау су мұнарасы мүлде салынбаған.
Тергеу барысында тараптар 6,5 миллион теңгені иемденіп, өзара бөліскен. Ал ауыл тұрғындары өздігінен ағып жатқан сапасыз суды пайдаланып келген.
«Тергеу аяқталғаннан кейін, қылмыстық іс сотқа жолданды.
Қордай аудандық сотының 18.07.2023 жылғы үкімімен «М» 8 жылға бас бостандығынан айырылды. Ал кәсіпкер «Е» 3 жыл 6 айға бас бостандығынан айыру түріндегі жаза тағайындалды», - дейді Қордай аудандық прокуратурасының өкілдері.
Заңсыз игерілген ақша толығымен мемлекетке қайтарылған. Прокуратураның мәліметінше, үкім әлі заңды күшіне енген жоқ.