RUS
Жылжымалы нысана көздеуде (10 м) Қазақстан әйелдер құрамасы Украинадан басым түсіп, чемпион атанды. Әпкелі-сіңлілі мергендер Зухра мен Фатима Ирназарова, Александра Садуакасова осы жаттығудағы ересектер арасындағы әлем рекордын жаңартты (1686 ұпай).
Ал осы сында еліміздің ерлер құрамасы Украина спортшыларына жол беріп, күміс медаль иегері атанды. Құрама сапында Асадбек Назиркульев, Илья Зотеев, Даниил Яковенко бақ сынады.
Сондай-ақ жылжымалы нысана көздеуде жекелей сында Фатима Ирназарова тұғыр биігінің 2-сатысынан көрінді. Фатиманың іріктеуде жинаған 572 ұпайы жасөспірімдер арасындағы жаңа әлем рекордын орната алды.
Тағы бір отандасымыз Александра Садуакасова қола медаль үшін матчта украиналық Алина Ткаликтен жеңіліп қалды. Ал Никита Чирюкин 25 метрден тапаншамен (стандарт) оқ атуда күміс жүлдеге ие болды (572 ұпай).
Осыған дейін Никита Чирюкин алтын, Арина Алтухова күміс жүлдеге қол жеткізген.