RUS
ҚР Оқу-ағарту министрлігі орта білім комитетінің хабарлауынша, цифрлық нұсқадағы оқулықтар мемлекеттік сараптамадан өтіп, оқу-әдістемелік кешендер тізіміне енгізілді.
Цифрлық оқулықтарды әзірлеуге еліміздің 11 баспасы тартылған. Сондай-ақ пәндерді цифрлық форматта оқыту мүмкіндігін игерту мақсатында педагогтерге арналған әдістемелік әзірленген.
«Қазіргі күні еліміздегі бастауыш сынып оқулықтарының 94 пайызы, 5-9 сынып оқулықтарының 81 пайызы, 10-11 сынып оқулықтарының 61 пайызы электронды нұсқаға көшірілген. 2024 жылы пәндерді цифрлық оқулықтармен 100% қамту жоспарланған»,– дейді орта білім комитетінің төрағасы Қаныбек Жұмашев.
Ведомствоның берген ақпаратына сәйкес, электрондық оқулықтармен қатар мектептерде қосымша оқу материалы ретінде мультимедиалық контенті бар цифрлық білім беру ресурстары белсенді қолданылады. Қазіргі күні 50 мыңнан аса цифрлық білім беру ресурсы жасалған.