26 мың тонна ресейлік бидайды отандық өнім ретінде экспорттағандар ұсталды
Ресейлік бидайды қазақстандық өнім ретінде экспорттау үшін жалған келісім-шарттар бойынша заңсыз әкелгендер анықталды. Бұл туралы smartnews.kz сайты хабарлайды.
Алаяқтық схеманы Қаржылық мониторинг агенттігінің Павлодар облысы бойынша департаменті анықтаған.
Күдікті деп танылған азамат 2021-2022 жылдар аралығында 26 мың тонна ресейлік бидайды Орталық Азия елдеріне (Ауғанстан, Тәжікстан, Өзбекстан) қазақстандық өнім деп жазылған жалған шот-фактуралар арқылы 1 млрд теңгеден астам сомаға экспорттаған.
Осылайша, күдікті жалпы сомасы 460 млн теңгені құрайтын халықаралық транзиттік тариф бойынша тасымалдау төлемдерін төлеуден жалтарған.
Күдіктінің ісі бойынша сотқа дейінгі тергеу аяқталған.