Астанада алғаш рет арбадағы теннистен республикалық чемпионат өтеді
Елордада арбадағы теннистен Қазақстан Республикасының чемпионаты өтпек. Бұл туралы smartnews.kz сайты хабарлайды.
Арбадағы теннистен Қазақстан Республикасының чемпионаты тұңғыш рет Астанада өткізілмек. Жарысқа биыл еліміздің 7 өңірінен 40 жуық спортшы қатыспақшы.
Ерекше чемпионатты өткізудегі мақсат - арбадағы теннис спорт түрін елімізде дамыту, қатысушылар арасында үздік спортшыларды аңықтап, ұлттық құрама сапына іріктеу боп отыр.
Айта кететін дүние, арбадағы теннис елімізде енді дамып келе жатқан паралимпиадалық спорт түрі. Бұл спорт түрінен алғаш рет Қазақстан чемпионаты Алматы қаласында 2022 жылы өткен. Чемпионатқа 6 өңірден 20 спортшы қатысқан.