RUS
Кеден қызметкерлері шекара қызметімен бірлесіп, кедендік бақылаудың техникалық құралдары мен қызметтік иттерді пайдалана отырып, бірнеше заң бұзушылықтарды анықтаған.
Қаржы министрлігінің Мемлекеттік кірістер комитетінің хабарлауынша, жеке тұлғалар жалпы сомасы 40,200 АҚШ долларын, 17,8 млн теңге мен 60,000 юаньды декларациясыз тасымалдамақ болған.
Аталған фактілер бойынша әкімшілік материалдар толтырылған.
Еске сала кетсек, ҚР Президентінің 2022 жылғы 14 наурыздағы №830 "Қазақстан Республикасының қаржылық тұрақтылығын қамтамасыз ету жөніндегі шаралар туралы" Жарлығына сәйкес $10 000 АҚШ долларынан асатын сомада қолма-қол шетел валютасын әкетуге тыйым салынған.