RUS
Жаңа тас жолы 2022 жылдың желтоқсанында тапсырылған. Ол Ақтөбе – Атырау – РФ шекарасы трассасын 12 шақырымына төселген. Тексеру кезінде Атырау – Доссор учаскесіндегі трассадағы ақау мен сапа төмендігі анықталған. Сапасыз жолдың жалпы ауданы-120 500 шаршы метрді құрайды.
- Бұл жолдың екі жылдық кепілдік мерзімі бар. Ақауларды жою үшін Маңғыстаудан жөндеушілер келіп, жол полициясынан ордер алды. Одан кейін жол белгілерін орнатып, жұмысқа кіріседі. Осы трассаның 12 шақырымында жаңа асфальт төселеді, ал қалған учаскелерде - тек ақау орындары жөнделеді. Жұмыстарды екі апта мерзімде аяқтау жоспарланып отыр", - дейді "Жол активтерінің ұлттық сапа орталығы" РМК Атырау облыстық филиалының бөлім басшысы Нұрлан Жантөрин.
Еске сала кетсек, Ақтөбе – Атырау – РФ шекарасы тас жолына орташа жөндеу жұмыстары 2021 жылдың қыркүйегінде басталып, 2022 жылдың желтоқсанында пайдалануға берілген болатын.