RUS
Биыл әр білім алушыға киім, оқу құралдарын сатып алуға арналған қаражаттың ең төменгі мөлшері – 40 567 теңге. Барлық ақша аударымдары ата-аналардың карточкалық шоттары арқылы жүзеге асырылады. Өткен жылы мектеп жиынтығын сатып алу сомасы 17 мың теңгеден басталған болатын.
Балалардың құқықтарын қорғау комитеті төрағасының орынбасары Жолдас Батырхан биылғы көмектің ақшалай көрсетілуіне қатысты:
- Қаражат ата-аналарға балалармен бірге мектеп формасын, аяқ киімді, кеңсе тауарларын өздері таңдап алу үшін беріледі. Қабылданған өзгерістер ата-аналар мен балаларға жеткізушілерді өз бетінше таңдауға мүмкіндік береді, - дейді өкіл.
Сондай-ақ жаңа оқу жылы қарсаңында ата-анасының қамқорлығынсыз қалған, төтенше жағдайға тап болған оқушыларға қаржылай көмек көрсетіледі.
Олардың ішінде Абай облысындағы апаттан қаза тапқан орманшылардың балалары да бар.