RUS
Астананың Көкшетау қаласына апаратын тас жолының бойында пандемия кезінде Covid-19-дан қайтыс болған жандарды жерлеуге арналған арнайы зират орны берілген болатын.
Арнайы ковид зираты – 2020 жылы сол кездегі белгісіз инфекцияны таратпау үшін жасалған шара болатын. Барлық қабірлердің жан-жағы қоршалып, қайтыс болғандар арнайы тәртіппен жерленген еді.
Еске сала кетсек, 2020 жылдан 2022 жылға дейін ковид зиратына 1111 қайтыс болған адам жерленген. Ал қазір зиратта жерлеу жұмыстары жүргізілмейді. Десе де, зират басына марқұмның туыстары ғана кез келген уақытта келе алады.