RUS
Жарыстың 1-ракеткасы болып тіркелген қазақстандық теннисші ширек финалда дүниежүзілік рейтингте 570-сатыдағы ресейлік Евгений Карловскиймен ойнады.
Бірінші партияда брейк жасаған ресейлік спортшы сол басымдылығын сақтап қалды – 6:4. Екіншісінде М.Кукушкин дәл сондай есеппен есе қайырды – 6:4. Алайда шешуші, үшінші сетте Е.Карловский тың көрінді – 6:2.
Екі сағат 23 минутқа созылған тартысты бәсеке барысында М.Кукушкин 2 эйс жасап, 8 брейк-пойнттың екеуін ғана өз есебіне жазды. Қарсыласы 3 эйс, 4 брейкпен (14 брейк-пойнт) көзге түсті.
Осылайша, Астана додасында жартылай финалға шыққан барлық теннисшілер анықталды. Е.Карловский рейтингте 550-орындағы өзбекстандық Хумаюн Сұлтановпен шеберлік байқасады. Ал қазақстандық Денис Евсеевтің қарсыласы – түркиялық Янки Эрель.
Д.Евсеев жұптық сында да жарысты жалғастырып жатыр.
Еске сала кетейік, бұдан бұрын Анна Данилинаның Гамбург турнирінің финалына шыққанын жазған болатынбыз.
Александр Недовесов Хорватиядағы жарыстың жартылай финалына шыға алмады.
Президент кубогында Денис Евсеев жартылай финалға жолдама алды.