RUS
FlyArystan әуе компаниясы хабарламасында, 29 шілдеде сағат 00.55–те ұшуы тиіс Түркістан-Астана X7362 рейсі өндірістік қажеттілік бойынша кешіктірілетіні айтылған. Ұшу уақыты 29 шілдеде сағат 16.30-ға ауыстырылған.
Әуе тасымалдаушы рейс жолаушыларына сусындармен, ыстық тамақпен, телефонмен қамтамасыз етуді қоса алғанда, барынша қолдау көрсетуге уәде беріп отыр.
- Күндізгі уақытта сегіз сағаттан артық, ал түнде алты сағаттан артық кешіктірілсе, жолаушылар тұрғылықты жер сұрауға, сондай-ақ тұрғылықты жеріне дейінгі және кері тасымалдауды сұрай алады. Барлық сұрақтар бойынша жолаушылардан FlyArystan өкілдеріне хабарласуды сұраймыз, - деп кеңес берді компания.
Еске сала кетсек, ұшу бес сағаттан артық кешіктірілген кезде жолаушылар орын болған жағдайда жақын арадағы рейске бір тегін қайта брондауды таңдай алады немесе ақшаны толық қайтаруды жүзеге асыра алады.