RUS
Ұлттық статистика бюросының дерегінше, елдегі жылдық инфляция деңгейі 14% құрап отыр. Ал шілде айындағы инфляция деңгейі 0,6% құраған. Демек елімізде бірқатар тауарлар мен қызметтер қымбаттаған.
Шілде айы бойынша айлық инфляция құрылымында азық-түлікке жатпайтын тауарлар бағасы 0,7% қымбаттаған. Олардың ішінде аудиовизуалды жабдық (теледидар, ноутбук, фотоаппарат және т. б.) – 9,6%-ға, баллондағы газ – 6,2%-ға, ал тұрмыстық құралдар – 1,2%-ға қымбаттаған.
Қоқыс шығару қызметінің бағасы 4,5%-ға, әуе билеттері 4%-ға, ал ұялы байланыс – 2,8%-ға өскен.
Азық-түлік бағасы жалпы алғанда бір айдың ішінде – 0,1%-ға қымбаттаған. Оның ішінде күріш – 2,1%, минералды, ауыз су – 1,9%, консервіленген сүт – 1,2%, жаңа піскен көкөністер – 3,8%, күнбағыс майы – 2,5%, қарақұмық жармасы – 2,2% қымбаттап отыр.