Жемқорлық фактісі бойынша қылмысы үшін А. Шиндаулов пен М. Мейірбековке 36 млн теңге көлемінде айыппұл салуға сотталды.
Аталған адамдар субсидиялау шарттарына кедергісіз қол қойғаны үшін 100 мыңнан 500 мың теңгеге дейінгі сомада мектепке дейінгі мекемелердің басшыларынан жүйелі негізде пара алып отырған.
Сотталғандар мемлекеттік қызметте, жергілікті өзін-өзі басқару органдарында, қаржы ұйымдарында және квазимемлекеттік секторда қызмет атқару құқығынан өмір бойына айырылды. Десе де, сот үкімі заңды күшіне енген жоқ.
Сондай-ақ Департамент білім беру саласындағы жемқорлық тәуекелдерін сыртқы талдау барысында бюджет қаражатын жымқыру схемасын анықтаған. Мәселен, екі қалалық мектептің бухгалтері 2020-2023 жылдар кезеңінде өзінің жеке шотына мектеп қызметкерлеріне еңбекақы төлеу қорына бөлінген 67 млн теңгеден астам қаражатты заңсыз аударған.
Антикордың хабарынша, ақша жымқыру ісінде осыған ұқсас схемасы №2 мектепте қолданылған. Онда 6 жылдан астам уақыт бойы директор, бас менеджер және бас бухгалтер бірлесіп жұмыс істеген.