Биыл елдегі қытайлық импорт тауар көлемі $5,9 млрд шарықтады

Қазақстан мен Қытай арасындағы тауар айналымы еселеп өсіп келеді. Биылғы көрсеткіш 10,7 млрд АҚШ долларын құраса, бұл бір жыл бұрынғыдан 21,6%-ға артық.

Тауар айналымының басым бөлігін экспорт құрап, бір жылда 4,1%-ға азайып, 4,9 млрд долларды құрады. Жалпы, ел экспортында Қазақстаннан Қытайға экспорттың үлесі 15,4%-ды құрады. Импорт 56,3%-ға, 5,9 млрд АҚШ долларына дейін өсті. Елдің импорт құрылымындағы Қытайдың үлесі 24,2% құрады.

Шикі мұнай мен мұнай өнімдері Қазақстаннан Қытайға жасалатын экспорттың негізгі бөлігін құрады: 1,3 млрд доллар, бұл өткен жылмен салыстырғанда 16,4%-ға аз. Екінші қатарда тазартылған мыс және өңделмеген мыс қорытпалары, үшінші орында – бейорганикалық химия өнімдері.

Сондай-ақ Finprom басылымының берген ақпаратына сәйкес, Қытайдан келетін киім-кешек пен трикотаж бұйымдарын импорттауға барынша қызығушылық танытып отыр: 441 млн доллар, былтырғыдан 4,4 есе көп.

Биылғы жылдың маусым айында Қазақстанда Қытайдың қатысуымен 2,1 мың компания жұмыс істеген, бұл бір жыл бұрынғыдан 37%-ға артық.