RUS
23 шілдеде суреттегі әйел Астанадан Шымкентке ұшатын FlyArystan рейсіне кешігіп келді. Оны бортқа жіберуді талап етіп, әйел әдепсіз сөйлеп, авиакомпания қызметкеріне шабуыл жасаған.
Жолаушы кешіккені үшін рейске қабылдаудан бас тартқан соң тіркеу үстелінде FlyArystan қызметкерлеріне ауыр заттарды лақтыра бастады. Жолаушы өзін агрессивті ұстап, балағат сөздер айтты. Авиакомпания қызметкеріне ауыр зиян келтірді, - деп хабарлайды авиакомпанияның баспасөз қызметі.
FlyArystan әуе компаниясы бүлік шығарған жолаушыны жауапқа тартпақшы. Дәлірек айтқанда әйел компанияның қара тізіміне енді.
Біздің қызметкерлер қауіпсіз жұмыс ортасына лайық. Біз үрыс-керіс пен қорлық көрсетуді қабылдамаймыз. Неліктен 170 жолаушы бір кешіккен адамды күтуі керек? Біз бұл жолаушыны толық жауапкершілікке тарту үшін қолдан келгеннің бәрін жасаймыз. Жолаушы енді біздің қызметтерімізді ешқашан пайдалана алмайды, - деп түсіндірді FlyArystan басқарушы директоры Адриан Хамильтон-Маннс.
Компания рейске уақтылы келу ережесі мен мерзімдері Қазақстан заңнамасымен бекітілгенін еске салды.