RUS
2023 жылғы 4 тамызда Т. Әбиевке қатысты аса ірі мөлшерде қорқытып алу фактісі бойынша үкім шығарылды. Ақпаратты Астана қаласының қылмыстық істер жөніндегі мамандандырылған ауданаралық соты Facebook парақшасында хабарлады.
Тоқберген Әбиев «YouTube» арнасында 2020 жылдың маусым айынан бастап ЖШС-нің іскерлік беделіне нұқсан келтіретін, әрі шындыққа жанаспайтын мәліметтері бар бейнероликтер жариялады деген айып тағылған.
2023 жылғы 7 желтоқсанда ЖШС заңгері барлық бейнероликтерді жой деген талаптарына блогер бейнероликтерді алып тастауы үшін 50 млн. теңге сомасында ақша бопсалаған.
- Сот үкімімен Т. Әбиев ҚК-нің 194-бабы 4-бөлігінің 2) тармағында көзделген қылмыстық құқық бұзушылық жасағаны үшін кінәлі деп танылып, орташа қауіпсіздік қылмыстық-атқару жүйесі мекемесінде жазасын өтей отырып, 7 жылға бас бостандығынан айырылды. Үкім заңды күшіне енген жоқ, - делінген сот хабарламасында.