RUS
Талап қоюшы Ж.Н. сотқа талап арызбен жүгініп, жауапкер жұмыс беруші ЖШС-нің еңбек шартын бұзу туралы бұйрығын заңсыз деп танып, оның күшін жоюды, өзін бұрынғы жұмысына қайта орналастыруды, лажсыз бос жүрген күндеріне жалақы мен моральдық залал өтемақысын өндіруді сұраған.
Атырау облыстық сотының азаматтық істер жөніндегі сот алқасы атыраулықтың жұмысқа қайта орналастыру, бос жүрген күндеріне жалақы өндіріп беру туралы апелляциялық талабын қанағаттандырған. Осылайша сот жұмысқа қайта орналастыру туралы бірінші саты сотының шешімін өзгертті.
Іс бойынша анықталғандай, тараптар арасында еңбек шарты жасақталып, соған сәйкес талап қоюшы бұрғылаушының көмекшісі ретінде жұмысқа қабылданған.
Кейін жұмыс берушінің бастамасы бойынша Еңбек кодексінің 64-бабының 1-тармағының 4-тармақшасы және 52-бабының 1-тармағының 8-тармақшасына сәйкес, жұмыскердің бір жұмыс күні (жұмыс ауысымы) ішінде дәлелді себепсіз үш және одан да көп сағат бойы жұмыста болмауына байланысты жұмыс беруші мен арызданушы Ж.Н. арасындағы еңбек шартын бұзу туралы бұйрық шығарылған.
«Талап қоюшы 2022 жылғы 10 қазанда жұмыс орнынан тыс жұмыс күні (жұмыс ауысымы) ішінде үш және одан да көп сағат бойы жұмыста болмаған, бұл жұмыс берушінің бастамасы бойынша еңбек шартын бұзуға негіз болғаны анықталған. Атырау қалалық сотының шешімімен талап қоюшы Ж.Н-ның ЖШС-не жұмыс берушінің бұйрығын заңсыз деп тану, өзін бұрынғы жұмысына қайта орналастыру, лажсыз бос жүрген күндеріне жалақы мен моральдық залал өтемақысын өндіру туралы талап арызын қанағаттандырудан толық көлемде бас тартылған» деп хабарлады облыстық соттың баспасөз қызметі.
Апелляцияда іс жұмыс берушінің бірінші сатыдағы соттың шешімінің күшін жойып, талап арызды толық көлемде қанағаттандыруды сұраған шағымы бойынша қаралды.