Бильярд пен сауна: Қостанай облысында өрескел заң бұзған балалар лагері анықталды

Қостанай облысының балалар лагеріндегі аталмыш бұзақылықтар бас прокурордың тапсырмасы бойынша жүргізілген тексеріс кезінде әшкереленді.

Балалар құқығын қорғау, өртке қарсы қауіпсіздік және санитарлық салауаттылық саласындағы заңнама талаптарының сақталуы тексерілді. Нәтижесінде тексерушілер бірнеше лагерьлерде жарамдылық мерзімі өткен дәрі-дәрмектер мен азық-түліктерді, мәзірдің сәйкессіздігін, балалар үшін қауіпті жерлерді тапты.

Сондай-ақ бір лагердің әкімшілік бөлмесінде спиртті ішімдіктер табылған.
Лагерьлердің атаулары прокуратурада хабарланбаған, тек анықталған барлық бұзушылықтар бойынша тиісті шаралар қолданылатынын атап өтті.

Бұған дейін Алматы қаласында балалар лагерлерінің бірінде жанжал болған. Жетісу облысының балалары сауна ғимаратына орналастырылғаны үшін ата-аналар наразылығы туындаған.

Осы оқиғадан кейін прокурорлар барлық аймақтардағы лагерьлерді тексеруді бастады.