RUS
Желіде «Қазақстан банкі тікелей эфирде айтқан сөзі үшін Ерұлан Жамаубаевты сотқа береді» тақырыбындағы мақала жарияланған сайт пайда болды (орфографиясы сақталған, – шамамен. Stopfake.kz) Мәтінде ҚР Премьер-Министрінің орынбасары – қаржы министрі Ерұлан Жамаубаевтың «Qazaqstan» телеарнасына берген сұхбаты жайлы әңгіме келтірілген. Бұл Қаржы министрлігінің ресми сайты ақпараттың жалғандығын растады.
Жалған ақпарат жазылған мақала бөгде сайтта орналастырылған. Ал сайт дизайны жағынан nur.kz порталына ұқсайды. Онда 2023 жылғы 17 ақпанда тікелей эфирде өткен бағдарламадан суреттер ұсынылған. Сонымен қатар, толығымен ойдан шығарылған сұхбат мәтінінде криптовалюта нарығында сауда жасауға арналған бот жарнамаланған.
Бұл бағдарламаның түпнұсқа жазбасы «Qazaqstan» телеарнасының youtube парақшасында бар. Тікелей эфир кезінде мақалада айтылған жағдайлар болмаған, - делінген ведомство хабарламасында.
2023 жылғы 3 тамызда орыс тілінде шыққан мәтіндік сұхбат – фейк саналады. Ол толығымен ойдан шығарылған және шындыққа жанаспайды. Эфирде корреспондентке қазақ тілінде берген сұхбаттың түпнұсқасы баршаға қолжетімді дейді министрлік.